- O'yin haqida fikringiz?
- Avvalo barchani chempionat yakuni bilan tabriklayman. O'yinga keladigan bo'lsak, "Sho'rtan"ga qarshi oson bahs kechmasligini bilardik. Kimdir bugun "Qizilqum"ga oson bo'ladi deb o'ylagan bo'lsa adashdi. Men kiyim almashtirish xonasida futbolchilarga ham aytdim. O'ylashimcha, durang o'yinga mos bo'ldi. Yil davomida bizni qo'llab turgan klubimiz rahbariyati va muxlislarga katta rahmat aytaman. Nasib qilsa, kelasi yil yanada kuchayib qaytamiz.
- "Qizilqum" bu mavsum vazifani bajardi: jamoa Superligada yaxshi o'yin ko'rsatdi. Shu haqda gapirib o'tsangiz.
- Yarim yil shu jamoada ishlagan bo'lsam, shuni aytishim kerak, biz bir oila bo'la oldik. Shunday bo'ldiki, mag'lubiyatsiz seriyamiz 9taga etdi. Lekin muammolar ham tasir qildi: jarohatlar, kartochkalar. Mavsumni 9-o'rinda yakunladik va buni ijobiy natija deya olaman. Murabbiylar shtabi qo'ldan kelgancha mehnat qildik. Xudo xohlasa, ishlashda davom etib keyingi yil yanada yuqori o'rinlarga harakat qilamiz.
- "Qizilqum" nomdor tarkibga ega emas, ammo jamoangizda shijoat ko'rindi. Ushbu tarkib saqlab qolinadimi?
- Biz mavjud tarkibni olib qolishga hamda yangi futbolchilarni qo'shib olishga harakat qilamiz. Besh nafarcha yangi futbolchi olish niyatimiz bor. Kelasi yil kuchlilar orasida bo'lishni xohlaymiz.
