"The Athletic" nashrining xabar berishicha, "Liverpul" Muhammad Salohning bayonotlariga qaramasdan, hali ham futbolchining 2027 yilgacha mo'ljallangan shartnomasiga sodiq qolmoqda. Klubdagilar yuzaga kelgan vaziyatni vaqtinchalik deb hisoblamoqda va uni hali ham izga solish mumkinligiga ishonmoqda.
Ayni damda mersisaydliklar klubi vingerning jamoadan ketishini rejalashtirmayapti va qishki transfer oynasida uning poziciyasi uchun boshqa futbolchi bilan shartnoma imzolash niyatida emas.
Eslatib o'tamiz, avvalroq futbolchi ketma-ket uchta o'yinda asosiy tarkibga kiritilmaganidan so'ng klubning o'ziga bo'lgan munosabatini tanqid qilgan edi: "Men klub uchun shuncha narsa qildim, ular esa meni shunchaki "avtobus tagiga itarishdi" (qiyin vaziyatda qoldirishdi). Afrika Kubogi oldidan xayrlashaman – keyin nima bo'lishini bilmayman".
