"Борнмут" ўзининг расмий сайти орқали "Барселона" дарвозабони Нето билан шартнома имзолаганини эълон қилди. Томонлар 1 йиллик шартнома имзолашди. Каталонияликлар футболчини текинга қўйиб юборишди.
Бразилиялик футболчи 2019 йилдан буён "кўк-анорранглилар" шарафини ҳимоя қилиб келаётганди. 33 ёшли дарвозабон ўтган мавсум барча мусобақаларда 4 та ўйинда дарвозани қўриқлаб, 5 та гол ўтказиб юборган.