Футболчи бугун тиббий кўрикдан муваффақиятли ўтганидан сўнг, расман «Вильярреал» аъзоси сифатида эълон қилинди. Морено ва испан жамоаси ўртасидаги шартномага эса эртага имзо чекилиши режалаштирилган. Шундан сўнг, у янги клуби билан мавсумолди йиғинларида қатнашади. Қайд этилишича, томонлар беш йиллик келишувга эришган.
Аввалроқ, испаниялик 27 ёшли футболчи ЛаЛиганинг бошқа бир жамоаси «Севилья» сафида (2011-2014 йиллар) ҳам ҳаракат қилганди.
