ads


ЭЧЛ. «Ливерпуль» ва «Бавария». Жавоб ўйинидан олдин кимда имкон кўпроқ?

  • Mr.NoBoDy 20.02.2019 21:35
  • 789
  • 30

Кеча «Энфилд»да бўлиб ўтган учрашув кўплаб мухлисларда икки хил таассурот уйғотди. Бугун кечаги учрашув ва унинг жавоб ўйини олдидан кимда имкон кўпроқ эканлигини чамалаб кўрамиз.

Учрашув ҳақида

Ўйин «ливерпуль»нинг катта устунлигида ўтган бўлсада, статистика бошқачароқ гапирмоқда. 90 дақиқа мобайнида икки жамоа дарвоза сари атиги 2 бор аниқ зарба йўллашди. Энг қизиғи шундаки, «Ливерпуль» сафида энг кўп зарбани марказий ҳимоячи Матип йўллади. Унинг 4 бор йўллаган зарбаларидан бирортаси аниқ чиқмади.

«Бавария» бу учрашувдан аввал бир неча ўйинлардан бери ҳимоядаги муаммоларни бартараф эта олмаганди. Кеча буни беркитиш учун ўйинни «ўлдиришга» уринди. Улар тўпни у қанотдан бунисига ўтказиб, рақибни прессинг қилишга ва вақтдан ютишга ҳаракат қилишди. Левандовскийнинг кечаги учрашувда кўрсатган ўйини сўзимизга исбот бўла олади. У ҳужумга ўтганида иложи борича тўпни ушлаб туришга уринди. Деярли бир маротаба ҳам ўткир пас бермади.

Бу дурангдан кимга кўпроқ фойда?

«Бавария»

Клубнинг сўнгги ўйинларига назар ташласангиз, ҳимоядаги муаммолар яққол кўриниб қолади. Ковач жавоб баҳси олдидан ўз жамоасига гол уришни эмас, ўтказиб юбормасликни асосий вазифа қилиб қўйгани шундоқ кўриниб турди. Сабаби, нурсиз дуранг «Алианз Арена»да бўлиб ўтадиган баҳс олдидан улар учун идеал ҳисоб эди. Шу сабаб «Бавария» ўйин темпини кўтармади, иложи борича кичик эпизотлар орқали матчни «ўлдиришга» уринди ва бунинг уддасидан чиқди ҳам. Ҳатто, Ҳамес ҳужумга умуман ўтмади. Асосан, марказдаги тўп учун курашларда иштирок этиш билан чекланди. Улар учун бу учрашув кўнгилдагидек ўтди десак, адашмаган бўламиз.

«Ливерпуль»

Клубнинг асосий 3 та марказий ҳимоячилари жароҳатлангани сабаб ушбу учрашувда Фабинё марказий ҳимояда ўйнашга мажбур бўлди. Айнан шу сабаб қанот ҳимоясидаги Робертсон сўнгги 12 учрашувдаги энг кам ҳужумкор ҳаракатлар кўрсатган ўйинини ўтказди. Клопп бу учрашув олдидан «Фирминонинг формада эмас эканлиги ва Виржилнинг йўлқиги жамоа ўйинига таъсир ўтказмай қолмайди»,- деб тан олган эди. Амалда ҳам шундай бўлди. Қанот ҳимоячилари Матип ва Фабинёга ёрдам бериш учун ҳужумларга деярли қўшилишмади.

Жамоанинг асосий қуроли саналадиган қарши ҳужумлар кеча амалга ошмади. Сабаби, Робертсон ва Арнолд ҳимоядан деярли чиқмади. Ҳужумдаги учлик эса бир нималар қилишга уринишди. Майдон марказида тўпни олиб қўйган ярим ҳимойчи тўпни олдинга бир ўзи олиб бориб, ҳужумдаги учликка етказиб бердию ўзи иложи борича ўз позициясига яқинроқ ўйнади. Кеча «Ливерпуль» ўйин давомида 3 ё 4 бор позитсиён ҳужум уюштирди, аммо бу ҳужумлар шу қадар эхтиёткор эдики, хатто, ҳавфли вазият билан ҳам тугамади. Клопп Фирминони заҳирага олиб ҳужумдаги урғуни иккинчи қаватга кўчирди. Ориги эса топ савиядаги ҳужумчилар сингари яримта имкониятдан фойдалана олмаслигини кеча шундоқ кўрсатиб қўйди…

Жавоб ўйини олдидан кимда имконият кўпроқ?

Нико Ковач ва Клопп илк учрашувдаги ҳисобдан тўлиқ қониққан бўлса, ажаб эмас. Ковач жавоб учрашуви Мюнҳенда бўлишини ҳисобга олиб бор имкониятларини уйда кўрсатишга уриниб кўрса, Клопп жавоб учрашувини тўлиқ таркибда ўтказади. «Бавария» ўз уйида жуда ҳавфли бўлсада «Алианз Арена»да ҳужумга ўтишга мажбур бўлади. Бу эса Клопп шогирдлари учун қарши ҳужумда ўйнаш имконини беради. 1:1 ёки бошқа ҳисобдаги дуранг «Ливерпуль»ни кейинги босқичга олиб чиқишини ҳисобга олсак, Бавария ўта эхтиёткор ўйнашига тўғри келади. Меҳмонда урилган голнинг қадри баландроқ эканлиги сабаб «Бавария» консентрацияни бир лаҳзага ҳам йўқотмаслиги шарт! Бу эса «Ливерпуль»дан ортиқча босимни олиб ташлайди. Агар «қизиллар» эркин ўйнашса, ҳеч қайси жамоага осон бўлмаслиги аниқ! «Бавария» ўз стадионидаги ғалабага ишонаётган бўлса, «Ливерпуль» тўлиқ таркиб билан кўрсатадиган дахшатли ўйинларига ишониб илк учрашувдан тўлиқ воз кечди. Бу жуфтилик ўртасидаги иккинчи учрашув ақл бовар қилмас даражада шиддатли ўтиши аниқ. «Энфилд»даги ўйин тўфон олдидан сокинлашиб турган уммонни эслатган бўлса, жавоб ўйини голларга бой, юқори темпда ўтиши аниқ. Икки клуб ҳам жавоб ўйини олдидан ўз «кузер»ларидан фойдаланмаганини ҳисобга олсак, бизни «Алианз Арена»да 90 дақиқа 100% курашларга бой, чиройли матч кутмоқда!

Ўхшаш янгиликлар