Жозе Моуринью ўрнига келган норвегиялик мутахассис аввалига вақтинчалик мураббий сифатида кўрилган эди, аммо манкунианларнинг муваффақиятли ўйини вазиятни ўзгартирди. "Манчестер Юнайтед" Сульшер қўл остида 12та ғалабага эришди, 2та дуранг қайд этди ва Чемпионлар лигасида ПСЖга мағлуб бўлди.
Маълумотларга кўра, клубдагилар жамоанинг доимий бош мураббийи номини мавсум охиридагина эълон қилмоқчи, бироқ МЮ раҳбариятида бу жой учун Сульшердан бошқа номзод йўқ. МЮ эгалари 46 ёшли мутахассиснинг ишидан мамнун.
