Малави терма жамоаси бош мураббийи Марио Мариника шогирдлари Африка Кубоги мусобақасида қандай шароитда яшаётганидан нолиди ва ташкилотчилар томонидан камчиситилгандек ҳис қилаётганини яширмади.
Мутахассиснинг айтишига қараганда, унинг шогирдлари либосларини ўзлари ювишга мажбур бўлишмоқда, Бафуссамдаги меҳмонхона эса терма жамоани асосий эҳтиёжлар билан таъминлаб бера олмаган.
«Садио Мане ички кийимини ювиб, уни қуритиш учун буталарга осиб қўйганини кўряпсизми? Гамбия терма жамоасида ҳам шу муаммо. Бу ерда турли хил стандартлар мавжуд, терма жамоаларга турли хил муносабатда бўлишмоқда.
Биз инклюзия ҳақида гапиряпмиз, биз кичик жамоалар, аутсайдерлар фантастик ишларни амалга оширишни хоҳлаймиз, лекин, турнирнинг кейинги босқичлари ҳақида гап кетганида ҳамма Сенегал – Марокаш ўйинини гапиради, Малави – Кабо-Верде баҳсини эмас.
Ўринли савол туғилади: нима учун бундай воқеалар фақат кичик жамоалар билан содир бўлади? Масалан, биз, Комор ороллари ёки Гамбия терма жамоалари билан?
Мен ҳамкасбларимдан ва терма жамоа раҳбарларидан расмий шикоят ёзишни сўрадим. Мен мехмонхона раҳбарларига арз қилдим, ҳамма нарса ҳал бўлишини уч кун кутдик», – деди мураббий.
