Англиялик футболчи Даниэл Старриж фаолиятини Туркияда давом эттирадиган бўлди. Бу ҳақда «Трабзонспор» расмий сайти хабар тарқатди.
29 ёшли ҳужумчи трабзонликлар сафига эркин агент сифатида ўтди. У билан қанча муддатга шартнома тузилгани ва Старриж қанча маош олиши ҳақида маълумот берилмади.
Старриж Англия премьер-лигасининг ўтган мавсумида "Ливерпуль" сафида 18та ўйинда майдонга тушиб, 2та гол урди ва 1та голга узатма берди.
