«ПСЖ» ҳужумчиси Неймар ўзининг «Барселона»га трансфери барбод бўлганини эшитиб, қаттиқ ранжиган.
«Кўк-анорранглилар» вакиллари 31 август куни бразилиялик футболчига қўнғироқ қилиб, парижликлар сўнгги таклифга рад жавобини берганини айтишди. Буни эшитган Неймар суҳбат жараёнида йиғлаб юборган.
Сўнгги тарқатилган хабарларга кўра, «Барселона» футболчилари Неймарнинг трансферга амалга ошмаганидан норози бўлишди. Уларнинг фикрича, жамоа 27 ёшли футболчини қўлга киритишни унчалик истамаган ва шу боис, сидқидилдан ҳаракат қилмаган.
El Chiringuito журналисти Хосеп Педреролнинг таъкидлашича, «Барса» президенти Жосеп Бартомеу Неймар билан шартнома имзолашни истамаган. Шунчаки у Мессининг олдидан обрўсини сақлаб қолиш учун шов-шувни юзага келтирди.
