"Эвертон" ҳужумчиси Ришарлисон ёзда жамоасини алмаштиришга тайёр.
Goal.com хабарига кўра, ҳужумчи совринлар, жумладан, халқаро миқёсда ҳам топ-клубда ўйнамоқчи. Бразилиялик агент ҳозирда Европанинг топ-лигаларининг бир нечта жамоалари билан алоқада.
Қайд этилишича, Ришарлисон Англияда қолишни афзал кўради.
Аввалроқ, ҳужумчига "Манчестер Юнайтед", "ПСЖ", "Реал" клублари қизиқиш билдиргани ҳақида хабар берилган эди.
Жорий мавсумда Ришарлисон Премьер-лиганинг 29 та учрашувида 9 та гол урди.
