"Реал" ҳужумчиси Мариано Диаснинг Мадриддаги тақдири тобора мавҳумлашиб бормоқда. AS нашри тарқатган хабарга кўра, Қатарнинг «Ар-Райян» клуби ёзги трансфер давридан бери доминиканлик футболчига қизиқиш билдириб келмоқда. 26 ёшли футболчи ушбу мавсумда Зидан қўлостида ҳали бирорта ўйинда майдонга тушмади.
«Ар-Райян» эса юқори савиядаги марказий ҳужумчи қидирмоқда. Қатарликлар Диего Коста ва Марио Манжукич номзодларини кўриб чиқди, аммо уларнинг музокаралари самара бермади.
Энди жамоа раҳбарияти асосий эътиборни Марианога қаратди. Диаснинг «Мадрид»даги маоши 4 млн евро эканини райянликлар яхши билишади ва улар бу маошни футболчига тўлашга тайёр. Ўз навбатида "Реал" ҳам ҳужумчини сотишга қарши эмас.
