Мадриднинг “Реал” клуби “Валенсия” ярим ҳимоячиси Ферран Торресга қизиқиб қолди. Бу ҳақда AS нашри хабар тарқатди.
Манбанинг хабарига кўра, “қаймоқранглилар” 19 ёшли футболчи билан шартнома имзолаш учун 4-марта уриниб кўришмоқчи. Футболчининг трансфер нархи тахминан 20 миллион еврога баҳоланмоқда.
Эслатиб ўтамиз, айни дамда “кўршапалаклар” ҳам футболчи билан шартномани 2021 йилгача узайтириш борасида музокара ўтказмоқда. Жорий мавсум Торрес 20та ўйинда иштирок этиб, 4та гол урган ва 3та голга ассистентлик қилган.
