Кутилганидек, «Ювентус» ярим ҳимояиси Эмре Жан Дортмунднинг «Боруссия» клуби сафига ўтди. Дортмундликлар уни мавсум охирига қадар ижарага олишди.
«Биз бир нечта позицияда ўйнай оладиган терма жамоа савиясидаги футболчини қўлга киритдик. Техникадан ташқари, Эмре жамоа ғалаба учун иродага эга бўлган футболчи ҳисобланади», – дея таъриф берди «Боруссия» спорт директори Майкл Цорк.
Жан 2018 йилнинг ёзида «Ливерпуль»дан «Ювентус»га ўтган эди. Ушбу мавсумда футболчи Италия чемпионати доирасида 8та ўйинда майдонга тушди. Туринликлар уни Европа чемпионлар лигасининг қайдномасига киритишмади.
