«Челси» клуби «Аякс» ярим ҳимоячиси Ҳаким Зиёшнинг трансфери борасида келишувга эришганини маълум қилди.
Келишувга кўра, марокашлик футболчи 2025 йилнинг июнь ойига қадар мўлжалланган шартномага имзо чекади ва у ушбу мавсум сўнгида лондонликлар сафига қўшилади.
Аввалроқ, "Челси" Зиёш учун амстердамликларга 40 миллион евро тўлаши ҳақида хабар тарқатилган эди. Футболчининг иштирокига қараб ушбу сумма яна 4 миллион еврога ошиши мумкин.
