«Ювентус» ҳужумчиси Криштиану Роналду мавсум сўнгида бошқа жамоага ўтиши мумкин.
"AS" нашри тарқатган хабарга кўра, 35 ёшли футболчи Туринни тарк этишни истамоқда. Унга иккита жамоадан таклифлар бор. Манбага кўра, португалиялик ўйинчига «ПСЖ» ва «Манчестер Юнайтед» клублари даъвогарлик қилишмоқда.
Манкунианликлар Европа чемпионлар лигаси йўлланмасини қўлга киритишса, Роналду «Олд Траффорд»га қайтишга тайёр. Акс ҳолда, у Париж вариантини танлаши мумкин.
Эслатиб ўтамиз, Криштианунинг "Ювентус" биан шартномаси 2022 йилга қадар тузилган.
