Коронавирус пандемияси туфайли футболчиларнинг трансфер нархлари кескин тушиб кетади, дея ҳисобламоқда CIES Football Observatory таҳлил маркази.
Агар июнь ойи охиригача клублар ҳеч қандай ўйин ўтказишмаса ва футболчилар билан шартномаларни узайтирилмаса, Европанинг кучли бешлик чемпионатларида фаолият юритаётган ўйинчиларнинг нархлари ўртача 28 фоизга тушиб кетади.
Ўйинчининг нархи айнан қанча тушиши унинг ёши, шартномасининг муддати, фаолияти ва сўнгги натижаларига боғлиқ бўлади.
Ёши катта ва қисқа муддатли шартномага эга футболчиларнинг нархи энг кўп пасайишга учрайди.
Масалан, CIES тахминича, «Манчестер Юнайтед» ярим ҳимоячиси Поль Погбанинг нархи икки баравар қисқаради — 65 миллион евродан 35 миллион еврога.
