"Реал" ҳимоячиси Ферлан Мендининг агенти Иван Ле Ми "қироллик клуби"га Франциянинг "Анже" клуби ярим ҳимоячиси Баптист Сантамарияни таклиф қилди.
Агент уни мадридликларнинг собиқ футболчиси Клод Макелелега ўхшатди ва майдон марказида Каземиронинг ўрнини тўлдириши мумкинлигини таъкидлади.
Иван Ле Мининг фикрига кўра, Сантамария ҳали у қадар таниқли эмас, аммо у яхши статистикага эга. 25 ёшли футболчи 4 мавсумдан бери Франция чемпионатининг деярли барча ўйинларида майдонга тушиб келади. Аввалроқ ушбу футболчига "Вильярреал" ва "Севилья" клублари қизиқиш билдирган эди.
Баптистнинг трансфер нархи 10 миллион еврога баҳоланган.
