Ла Лига президенти Хавьер Тебас ҳужумчилар Неймар ва Лаутаро Мартинес ёзги трансфер пайтида «Барселона»га ўтмаслигига ишончи комил эканини айтди.
«Барселона» бу футболчиларни қўлга киритиш учун музокара олиб бораётгани рост эмас. Улар ўз эътиборларини чемпионатни давом эттиришга қаратишган, янги футболчиларни сотиб олишга эмас.
Яқин келажакда кўп алмашинувлар юз беради, лекин трансферлар жамоаларнинг асосий мақсадига айланмайди. Барча тўхтаб қолди. На Неймар, на Лаутаро харид қилинади. Клуб айни пайтда бу футболчиларни сотиб олиш имкониятига эга эмас», — деди Тебас "AS" нашрига берган интервьюсида.
