«Барселона» ва «Манчестер Сити» клублари ўнг қанот ҳимоячиларини ўзаро алмашишга яқин туришибди. Бу ҳақда Sport.es хабар тарқатди.
Манбага кўра, «шаҳарликлар» Жоау Канселуни "кўк-анорранглилар"га бериб, эвазига Нелсон Семедуни олишга ҳамда каталонияликларга қўшимча маблағ беришга тайёр.
Маълумотларга қараганда, жамоалар ўртасидаги музокара анча олдинга силжиган ва томонлар яқин орада келишувга эришишлари мумкин.
Эслатиб ўтамиз, «Барса» Семедунинг нархини 45 миллион еврога баҳоламоқда.
