«Тоттенхэм» раҳбарияти иқтисодий инқироз туфайли ёзги трансфер учун мўлжалланган маблағни камайтиришга қарор қилди. Бу ҳақда "Sunday Mirror" хабар тарқатди.
Шу боис, клуб бош мураббийи Жозе Моуриньо ёзда йирик трансферларга умид қила олмайди. Португалиялик мутахассис 1-2 нафар ўйинчи орқали жамоани кучайтириш билан чекланиб қолса керак.
Эслатиб ўтамиз, «шпорлар» эркин агентга айланадиган Дрис Мертенс («Наполи»), Оливье Жиру («Челси») ва Тома Менье («ПСЖ»)ни қўлга киритишни исташмоқда.
