"Liverpul" Gana terma jamoasining 25 yoshli hujumchisi Antuan Semenyo bilan shartnoma imzolashga tayyorgarlik ko‘rmoqda. Mersisaydliklarning bu yo‘lda asosiy raqobatchisi "Tottenxem" bo‘lishi kerak.
TEAMtalk nashri tarqatgan xabarga ko‘ra "Liverpul" hujumchini 70 mln yevroga baholamoqda. Bundan tashqari, manbalar Semenyoga "Manchester Yunayted" ham qiziqish bildirayotganini yozmoqda.
Semenyo 2018 yildan beri APLda o‘ynaydi, avvalroq "Bristol Siti", "Sanderlend" klublarida o‘ynagan. Bu mavsumda u "Bornmut" safida APLda 11 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
