«Валенсия» ҳужумчиси Родриго Морено фаолиятини «Барселона»да давом эттириши мумкин.
Каталонияликлар 28 ёшли футболчининг трансферини амалга оширишга яқин туришибди. Родригонинг ўйини «Барса» раҳбарияти ва бош мураббий Эрнесто Вальвердега маъқул келди. Шу боис, "кўк-анорранглилар" Луис Суареснинг ўрнини босиши мумкин бўлган ҳужумчи сифатида "Валенсия" футболчисини жамоага олиб келмоқчи.
Аввалроқ «Барселона», шунингдек, «кўршапалаклар» сардори Дани Парехога ҳам қизиқиш билдираётгани ҳақида хабар тарқатилганди.
