«ПСЖ» ҳужумчиси Килиан Мбаппе ёзги трансфер пайтида жамоани тарк этишни истамоқда. Cadena SER тарқатган хабарга кўра, 20 ёшли футболчи бир нечта сабабга кўра ўзини жамоада қулай ҳис қилмаяпти.
Улардан бири — жамоа бош мураббийи Томас Тухель. Германиялик мутахассис Мбаппени клубнинг доимий пенальти тепадиган футболчисига айланишига имкон бермади. «ПСЖ»да 11 метрли жарима зарбаларини асосан Неймар ва Эдинсон Кавани амалга оширишди. Натижада Килиан "Олтин бутса" учун курашда Лионель Мессидан ўтиб кета олмади.
Бундан ташқари, Мбаппе жамоада ўзини ёлғиз ҳис қилмоқда. У Неймар билан деярли гаплашмайди.
Мбаппенинг отаси ўғлининг бошқа жамоага ўтиши борасида иш бошлаб юборган.
