«ПСЖ» клуби собиқ дарвозабони Жанлуиджи Буффон «Ювентус»га қайтишга яқин турибди.
41 ёшли посбон туринликлар билан музокара олиб бормоқда. У жамоанинг асосий дарвозабони Войчех Шченснига ўринбосарлик вазифасини ўташга рози бўлди.
Ҳозирда жамоанинг иккинчи посбони ҳисобланган Маттиа Перин ёзги трансфер пайтида катта эҳтимол билан «Юве»ни тарк этади. У клуб сафида бир йил фаолият юритди.
Буффон 17 йил давомида «Ювентус» шарафини ҳимоя қилиб, 2018 йилнинг ёзида эркин агент сифатида «ПСЖ»га ўтган эди. Лига 1 мусобақасида италиялик футболчи 17та ўйинда майдонга тушиб, Франция чемпионига айланди. Мавсум якунланганидан кейин Буффон «ПСЖ»ни тарк этди.
