«Эвертон» ҳимоячи Серж Орье билан шартнома имзолаши мумкин, деб хабар беради Liverpool Echo. Манбага кўра, ливерпулликлар яқин келажакда футболчига таклиф юбориши мумкин.
Маълум бўлишича, «Эвертон» бош мураббийи Рафаэль Бенитес жамоанинг ҳимоя чизиғини кучайтирмоқчи. Қолаверса, клуб ҳимоячининг АПЛдаги тажрибасини юқори баҳолайди.
Эслатиб ўтамиз, Орьенинг охирги клуби «Тоттенҳэм» эди. «Шпорлар» таркибида у 2017 йилдан 2021 йилгача ўйнаган. Бу вақт мобайнида у барча турнирларда 110 та ўйинда майдонга тушиб, 8 та гол урди ва 17 та голли узатмани амалга оширган.
