Marca хабарига кўра, Неймар ва "ПСЖ" ўртасидаги трансфер баҳси янги босқичга чиқди.
Энди парижликлар Неймарни сотишга қарши эмаслар, аммо кимдир унинг учун муносиб пул тўлаши керак. "Барселона" бу йил трансферлар учун анча пул сарфлаб қўйди ва Неймарни сотиб олишга қийналади. Бироқ, каталонияликлар Усмон Дембелени "Бавария"га ҳеч бўлмаса 100 млн еврога сота олсалар, молиявий фэйр-плей қоидаларидан четга чиқмаган бўлар эдилар.
Арьен Роббен ва Франк Рибери каби футболчиларнинг кетишларидан сўнг "Бавария" учун қанотларда ҳужумни кучайтириш лозим. "Ман Сити"да Лерой Санени сотиб олиш - деярли иложсиз иш. Дембелега келсак, франциялик футболчи каталонияликлар сафини тарк этгиси йўқ.
