"Барселона" ҳимоячиси Марк Кукурелья "Хетафе"га ўтди. Бу ҳақда клуб расмий сайти хабар тарқатди.
Мадридликлар 20 ёшли футболчини бир йилга ижарага олишди. Шундан сўнг уни 6 миллион еврога сотиб олиш ҳуқуқини ҳам ўзларида сақлаб қолишди. Бундан ташқари, футболчи кейинчалик бошқа жамоага сотиладиган бўлса, "Барселона" трансфернинг 40 фоизига эга бўлади.
Эслатиб ўтамиз, "Барселона" аввалроқ Кукурельяни "Эйбар"дан 4 миллион еврога сотиб олган эди.
Марк Кукурелья "Барса" академияси тарбияланувчиси ҳисобланади. Якунланган мавсумни у "Эйбар" сафида ўтказиб, барча мусобақалар доирасида 33та ўйинда майдонга тушди.
