Испания қироллик футбол федерацияси Гризманнинг "Барселона"га трансфери бўйича текширувни бошлади.
Эслатиб ўтамиз, "Атлетико" президенти Энрике Сересо ушбу трансфер юзасидан ташкилотга шикоят киритганди. Унинг иддао қилишича, «Барселона» Гризманн билан март ойида — ҳали ўйинчининг товон пули 200 миллион еврога тенг бўлган пайтда шартнома имзолаган. "Кўк-анорранглилар" футболчининг товон пули 120 миллион еврога айланадиган сана — 1 июлни кутиб, сўнг трансферни амалга оширишди.
"Атлетико", шунинг важидан, қўшимча яна 80 миллион евро талаб қилмоқда.
