«Лилль» ҳужумчиси Николя Пепе Лондонга етиб келди ва бугун «Арсенал» сафида тиббий кўрикдан ўтади.
L’Équipe бош редактори Жоэль Доменигетти хабар тарқатишича, ивуарлик футболчи тиббий кўрикдан муваффақиятли ўтса, "канонирлар" билан шартнома имзолайди. Маълумотларга қараганда, 24 ёшли футболчи «Арсенал» билан 5 йиллик шартномага имзо чекади.
Ушбу трансфер турли бонусларни ҳисобга олмаганда 80 миллион еврога тенг бўлади.
Николя Пепе ўтган мавсумда «Лилль» сафида барча мусобақалар доирасида 41та ўйинда майдонга тушиб, 23та гол уриб, 12та голга узатма берганди. Франция клуби футболчини 2017 йилда «Анжер»дан 10 миллион еврога сотиб олганди.
