«Барселона» ярим ҳимоячиси Малком «Эвертон»га рад жавобини берди. У фаолиятини «Зенит»да давом эттиришга яқин турибди. Бу ҳақда Sport.es нашри хабар тарқатди.
Санкт-Петербургликлар унга 6,5 млн евро йиллик маош таклиф қилишмоқда. Бу Малком қизиқиш билдирган жамоалардан тушган таклифлар орасида энг яхшиси ҳисобланади. Шу боис, 22 ёшли бразилиялик футболчи Россия чемпионатига кўчиб ўтишга тайёр.
"Зенит" эса "Барса"га футболчи учун 40 миллион евро тўлайди. Трансфер бугун расмийлаштирилиши мумкин.
