"Yaxshi o'yin o'tkazdik va mavsumdagi dastlabki g'alabani qo'lga kiritdik. Muxlislarni xursand qilish uchun maydonga chiqqandik. Oldimizda g'alabadan boshqa yo'l yo'q edi. Borimizni bag'ishlaganimiz bois chiroyli g'alabaga erishdik.
Muvaffaqiyatsiz natijalar hamma jamoada uchrab turadigan holat hisoblanadi. Mavsum avvalida o'z o'yinimizni topib olishga qiynaldik. Kelgusida kerakli ochkolarni yig'ishda davom etamiz.
Keyingi raqib – "So'g'diyona"ga qarshi o'yingacha ko'p vaqtimiz yo'q. Shuning uchun, dam olmasdan, ertadanoq tayyorgarlik mashg'ulotlarini boshlaymiz. Menimcha, jiddiy muammoga uchramaymiz", dedi 21 yoshli futbolchi.
