"Arsenal" himoyachisi Gabriel Magalyaes tizzaosti mushaklari jarohati tufayli joriy mavsum boshqa maydonga tusha olmaydi.
Gabriel seshanba kuni APL 30‑turi doirasida "Fulxem"ga qarshi o'yinda jarohat oldi. Braziliyalik 16‑daqiqada alishtirildi.
— Gabriel tizzaosti mushaklaridan jarohat oldi va vaziyatga shifokorlar aralashuvi talab etiladi. Yaqin kunlarda Gabriel jarrohlik stoliga yotadi, undan keyin yangi mavsum startiga tayyor bo'lish uchun tiklanish dasturini boshlaydi, — deyiladi xabarda.
Gabriel joriy mavsum "kanonirlar"nnig 45 o'yinida maydonga tushib, 5 ta gol urdi va 3 ta golli uzatma etkazib berdi.
