Mazkur uchrashuvdan so'ng "qaldirg'ochlar" yarim himoyachisi Rasul Yo'ldoshev fikrlari bilan o'rtoqlashdi.
"Murabbiyimizning o'yindan keyin aytgan fikrlariga qo'shilaman. Ilyos Zeytullaev keyingi o'yin bundan ham qiyin bo'lishini aytadi. "Buxoro" bilan juda qiyin uchrashuv o'tkazdik, chunki raqib jismoniy tomonlama kuchli jamoa hisoblanardi. Himoyada zich harakat qiladi, buni yorib o'tish oson bo'lmadi.
G'alaba esa ruhan ishonch beradi. Qolaversa, hozir hamma jamoa bir-birini o'rganadi. Shu bois har bir o'yinga jiddiy qarashimiz va bo'shashmasligimiz kerak",- deydi Rasul Yo'ldoshev.
