Kecha "Bobur Arena"da kechgan "Andijon" - "Sho'rtan" (4:3) uchrashuvida darvozalarga 7 ta gol urildi. Tabiiyki, bunday sermahsullik chempionat bezagiga aylanadi. Mazkur uchrashuv borasida "Andijon" sobiq futbolchisi Rasul Rahmonov fikrlari bilan o'rtoqlashdi.
"Zo'r o'yin guvohiga aylandik. Qiziqarli va muxlislarbop o'yin kechdi. Bunday jang bo'lishini kutgandim, chunki "Sho'rtan" ham yaxshi o'yin ko'rsatdi. Superligada kuchsiz jamoaning o'zi yo'q. Barcha g'alaba uchun bor kuchi bilan kurashmoqda.
"Andijon" futbolchilarida o'ziga bo'lgan ishonch ortib bormoqda. Bu harakatlarda sezilib turibdi. Doniyor Abdumannopov mavsum boshidan buyon o'ziga ishonch bilan to'p tepmoqda. Usmonali Ismonalievning ochilib borayotgani xursand qilmoqda",- deydi Rasul Rahmonov.
