"Barselona" bosh murabbiyi Xans-Diter Flik Ispaniya chempionatining 9-tur o'yinida "Jirona"ga qarshi (2:1) uchrashuvda maydondan chetlatildi. Shu sababli, ko'k-anorranglilar bosh murabbiyi keyingi turda "Real Madrid"ga qarshi o'yinda maydon chetidan jamoani boshqara olmaydi.
"Barselona" "Jirona" ustidan g'alaba qozonganidan so'ng 22 ochko to'plab, Ispaniya chempionati turnir jadvalida peshqadamlikka chiqdi. "Real"ning 21 ochkosi bor, biroq "Xetafe"ga qarshi o'yin (19 oktyabr) hali oldinda.
"El Klasiko"dan oldin har ikki jamoa Chempionlar ligasidagi uy o'yinlarini o'tkazadi: "Barselona" 21 oktyabr kuni Greciyaning "Olimpiakos" jamoasini qabul qiladi, "Real" esa ertasi kuni Italiyaning "Yuventus" jamoasiga qarshi maydonga tushadi.
