Insayder Florian Plettenbergning so'zlariga ko'ra, Birmingem klubi 24 yoshli futbolchiga qiziqish bildirmoqda. Senegallik o'yinchi yaqin orada "Chelsi"ni tark etishga tayyor. "Aston Villa" vakillari London jamoasi bilan transfer oynasi yopilguniga qadar kelishuvga erishishga umid qilmoqda.
"Aston Villa"dan tashqari "Bavariya" ham Jekson bilan shartnoma imzolamoqchi. Mutaxassislar forvardning transfer qiymatini 50 million evroga baholamoqda.
Eslatib o'tamiz, Nikolas Jekson o'tgan mavsum "Chelsi" tarkibida Angliya chempionatida 30 o'yin o'tkazib, 10 ta gol urgan va 5 ta golli uzatmani amalga oshirgan.
