"Пахтакор" ўз майдонида "Қизилқум"ни қабул қилади. Қуйида учрашувга оид маълумотларни келтириб ўтамиз.
"Пахтакор"
- "Пахтакор" турнир жадвалида якка пешқадам бўлиб турибди. "Шерлар" 11та ўйинда 29 очко тўплашди. Тўплар нисбати 27-8.
- "Пахтакор" Суперлигада мағлубиятга учрамаган ягона жамоа ҳисобланади.
- "Пахтакор" бугун ўз майдонида 7-учрашувини ўтказади. Шу пайтгача бўлиб ўтган олтита беллашувнинг бештасини ўз фойдасига ҳал этган ва бир марта дуранг ўйнаган. Уйдаги ўйинларда тўплар нисбати 15-6.
- "Пахтакор" кетма-кет охирги учта ўйинни ғалаба билан якунлади. Жамоа навбати билан "Андижон", АГМК ва "Бухоро"дан устун келди.
- Мана шу уч ўйинда "Пахтакор" рақиб дарвозасига 12та тўп киритиб, ўз дарвозасидан фақат битта гол ўтказиб юборди.
- "Пахтакор" шу пайтгача "Қизилқум"га қарши 38 марта баҳс ўтказиб, шундан 31тасида ғалаба қозонган.
"Қизилқум"
- "Қизилқум" турнир жадвалида 10-ўринда бормоқда. Навоийликлар 11 ўйинда 11 очко тўплашган. Тўплар нисбати 13-18.
- Меҳмонда очко йиғиш бўйича "Қизилқум"нинг омади келмаяпти. Чунки жамоа ҳали сафарда зафар қучгани йўқ.
- "Қизилқум" сафарда 5 бор майдонга тушиб, шундан учтасида дуранг қайд этди ва икки бор мағлуб бўлди. Тўплар нисбати 6-11.
- Ҳамиджон Актамов шогирдлари охирги тўрт турдан бери ғалаба нималигини билишмаяпти. "Қизилқум" охирги марта 7-турда "Бунёдкор"ни 1:0 ҳисобида мағлуб этган.
- "Қизилқум" мавсум бошидан бери атиги икки бор зафар қучди ва ҳар икки ғалаба уйдаги ўйинларда қўлга киритилди.
- "Қизилқум" шу пайтгача "Пахтакор"га қарши 38 марта майдонга тушиб, фақат биттасида уч очколи бўлган.
Охирги 5 ўйин
2018 й. "Пахтакор" - "Қизилқум" 2:1
2017 й. "Пахтакор" - "Қизилқум" 3:1
2016 й. "Пахтакор" - "Қизилқум" 1:0
2015 й. "Пахтакор" - "Қизилқум" 3:0
2014 й. "Пахтакор" - "Қизилқум" 1:0
Тошкентда кечган охирги бешта ўйиннинг ҳаммасида "Пахтакор"нинг қўли баланд келган. Тўплар нисбати 10-2.
