ads


Суперлига. "Сурхон" ўз уйида "Бунёдкор"ни мағлуб этди

  • Mr.NoBoDy 23.06.2019 20:00
  • 622
  • 30

Суперлиганинг 12-туридан ўрин олган "Сурхон" - "Бунёдкор" учрашуви бўлиб ўтди.

ads
 

Учрашув бошида Термизда жуда ҳам ноқулай об-ҳаво иккала жамоа футболчиларининг чиройли футбол намойиш этишига халақит қилмоқда. 

14-дақиқада Шавкат Саломов яқин масофадан дарвозага зарба берди, Зуҳуров тўпни ушлаб олди. 17-дақиқада Аъзам Алиев узоқдан кучли зарба берди, бироз ноаниқ кетди.

19-дақиқада Ҳусниддин Ғофуров чамаси 20 метрлардан чап оёғи билан гол урди - 1:0. 

25-дақиқада Хуршид Ғиёсов узатиб берган тўпни Миржаҳон Мираҳмадов боши билан ноанқ тарзда йўллади. 28-дақиқада Шерзод Каримовнинг кучли зарбаси бироз ноаниқ чиқди. 

31-дақиқада дастлаб Саломов, кейин Каримов бурчак тўпидан тўғри дарвозага зарба беришди, иккала вазиятда Зуҳуров қийинчилик билан тўпни қайтарди.

40-дақиқада Шавкат Саломовнинг бурчакдан узатган тўпини Владимир Бубанья боши билан дарвозага йўллади - 2:0. 

45+1-дақиқада Саломов жарима тўпини амалга оширди, Зуҳуров тўпни қайтарди.

Биринчи тайм тугади. 

Иккинчи тайм бошланди. 

48-дақиқада Дилшод Аҳмадалиевнинг кучли зарбасини Асилбек Амонов қайтарди. Бурчак тўпидан кейин Мираҳмадовнинг зарбаси ноаниқ чиқди.

65-дақиқада Дилшод Аҳмадалиев қулай имкониятдан ноаниқ зарба берди. 66-дақиқада Жасур Жалолиддиновнинг жаримадан йўллаган зарбаси ноаниқ кетди.

80-дақиқада узоқ давом этган ҳужумни Ахмадалиев ўз зарбаси якунлади. Амонов тўпни эгаллаб олди. 

82-дақиқада Жавоҳир Қаҳрамоновнинг бош билан берган зарбасини "Сурхон" дарвозабони қийинчиликсиз эгаллаб олди.

Ўйинда "Сурхон" 2:0 ҳисобида ғалаба қозонди.



СУРХОН – БУНЁДКОР 2:0
23 июнь 2019 йил. Термиз. "Сурхон" стадиони. 6320 томошабин.
Ҳакамлар
: Ҳасан Рўзиев, Олим Абдувосилов, Равиль Шояхмитов, Наим Қосимов
Назоратчи: Константин Смирнов
Комиссар: Шохруҳ Саид.

Голлар: Ҳусниддин Ғофуров 19, - 1:0 (Шавкат Саломов). Владимир Бубанья 40, - 2:0 (Шавкат Саломов).

"Сурхон": Асилбек Амонов, Абдуқаҳҳор Ҳожиакбаров, Раҳматулло Бердимуродов, Шерзод Каримов (Аюбхон Нўъмонов, 76), Шавкат Саломов (Азамат Алланиязов, 90), Абдул Азиз Юсупов (Шерзод Ҳакимов, 60), Аброрбек Исмоилов, Владимир Бубанья, Ҳусниддин Ғофуров, Аъзамжон Алиев, Дарко Станоевич.
Захира: Сардор Қобулжонов, Нажмиддин Нормуродов, Равшан Хурсанов, Убайдулло Холиқулов, Мирзокамол Камолов, Аббосбек Махсталиев.

"Бунёдкор": Муроджон Зухуров, Ислом Қобилов, Анвар Ғофуров, Дилшод Аҳмадалиев, Жасур Жалолиддинов, Ҳуршид Ғиёсов, Лутфулло Тўраев, Миржаҳон Мираҳмадов (Жавоҳир Қаҳрамонов, 56), Санжар Қодирқулов, Улуғбек Абдуллаев (Нурилло Тўхтасинов, 52), Суҳроб Иззатов (Владислав Нуриев, 78).
Захира: Абдумавлон Абдужалилов, Сергей Прохоров, Бобур Фарҳодов, Санжар Риҳсибоев, Муҳаммадодил Қаҳрамонов.

Огоҳлантиришлар: Ҳусниддин Ғофуров 33, Нурилло Тўхтасинов 55, Абдуқаҳҳор Хожиакбаров 90+1.



Ўхшаш янгиликлар