"Чиройли ўйин бўлди. Иккала жамоада ҳам вазиятлар вужудга келди. Ўз имкониятларимиздан фойдалана олмадик ва шунинг учун ютқаздик", - дея ўйин ҳақида қисқача фикр билдирди "Қизилқум" бош мураббийи Обид Худоёров.
-Ўйин жиҳатдан жамоа яхши ҳаракат қилмоқда. Лекин натижага ҳавас қилиб бўлмайди, нима сабаб бўлмоқда?
- Вазиятларни голга айлантириш бўйича муаммоимиз бор. Ҳужум чизиғидаги муаммони айтмаса, йигитларга бошқа эътирозим йўқ.
- Нимани ўзгартириш керак? Ҳамма гап футболчилардами ёки мураббийларнинг иши ҳам қониқарлимасми?
- Мураббийлар ишлаяпти. Вазиятлар ярата оляпмизми, демак биз тўғри ишлаяпмиз. Ҳозир энди иккинчи давра бошлангунича янги футболчиларни клубга жалб этиш ниятидамиз. Буни вақт кўрсатади.
- Ҳозирги ҳолатда клубни қайси футболчилар билан кучайтириш мумкин?
- Ҳужум чизиғида муаммоалар бўлгани учун албатта ҳужумчи олишни режалаштирмоқдамиз. Умид қиламизки, яхши савиядаги футболчини олиб келамиз,- дейди Обид Худоёров.
