"The Athletic" маълумотига кўра, ФИФАдагилар жаҳон чемпионати турнирининг 100 йиллигига атаб, 2030 йилги жаҳон чемпионати иштирокчилари сонини 48тадан 64тагача оширишни муҳокама қилмоқда.
Бу таклифни 1930 йилда илк марта жаҳон чемпионати ўтказилган Уругвай мамлакатидан ташриф буюрган делегат ўртага ташлаган. ФИФА президенти Жанни Инфантино буни "қизиқ ва тахлил қилиб кўришга арзийдиган таклиф" деб баҳолаган. Бироқ бу таклиф рад қилиниши ҳам мумкин.
Эслатиб ўтамиз, олдинроқ ЖЧ иштирокчилари сони 32тадан 48тага етказилганди. Бундай форматдаги илк мундиал 2026 йили АҚШ, Канада ва Мексикада ўтказилади.
