Реал Мадрид – Барселона 0:0 (иккинчи бўлим)
2 март, 01.00, «Сантьяго Бернабеу»
Реал Мадрид – Куртуа, Варан, Карвахаль, Рамос, Марсело, Вальверде, Каземиро, Иско, Кроос, Винисиус Жуниор, Бензема.
Барселона – тер Стеген, Семеду, Умтити, Пике, Альба, Артур, де Йонг, Бускетс, Видаль, Месси, Гризманн.
Огоҳлантиришлар:
Винисиус Жуниор (10), Карвахаль (19), Альба (19).
Саҳифани янгилаш
61. Воқеалар ривожи тобора қизиқарли тус олмоқда. Карвахал юқорилатиб узатган тўпни Иско боши билан дарвозага йўллади. Мазкур зарбани Пике ва Штеген биргалашиб бартараф этишди.
59. Месси Марселога нисбатан ўйин қоидасини бузди. Тўп "Реал"да қолади.
57. Қувонарли жиҳати шундаки, "Реал" ҳам ўйинга қайтди ва учрашув темпи кескин тарзда кўтарилиб кетди.
56. Фантастик зарба! Иско! Вазият гол билан якунланиши мумкин эди, Тер Штеген бўлмаган тақдирда. германиялик дарвозабон ҳам фантастик сейв намойиш қилди.
54. Винисиус кескин кўриниш олиши мумкин бўлган ҳужумларни ё техник хато, ёки ноаниқ паслари билан бузиб қўймоқда.
49. Иккинчи бўли аввалида каталонияликлар фаоллик кўрсатмоқда. Мазкур дақиқага келиб Каземиро Мессига нисбатан қўпол ўйнади. "Барселона" жарима тўпи тепади.
46. Мазкур баҳсни томоша қилиш учун "Сантьяго Бернабеу"га 78 258 томошабин ташриф буюрган.
Ўйинннинг иккинчи бўлими старт олди.
Баҳснинг биринчи бўлимига ҳеч қанча вақт қўшиб берилмади. Танаффус!
45. Иккала жамоа таянч ярим ҳимоячилари ўртасида тўқнашув юзага келди. Мазкур эпизоддан кейин Каземиро ўзида ноқулайлик ҳис қилмоқда.
39. Рамос қанотда мувозанатни йўқотгач, бўш қолиб кетган Семеду катта тезликда "Реал" жарима майдончаси томон кириб бориб, тўпни жамоадошларига узатди. Бироқ тўпни эгаллаб олган мезбонлар қарши ҳужумга чиқиб кетишди. Винисиуснинг узатмасига аниқлик етишмади ва ҳужум бартараф этилди.
38. Хавфли зарба! Месси Тибо Куртуа билан бирга-бир вазиятга чиқиб борди, ўзаро дуэлда яна "Қаймоқранглилар" посбони ғолиб. Тибо бугун ажойиб ўйин намойиш қилмоқда.
34. Кутилмаганда Артур Мело Куртуа билан юзма-юз ҳолатга чиқиб борди, унга Тони Кроос қаршилик кўрсатишга кеч қолди. Аммо бразилиялик ярим ҳимоячи "Реал" посбонини доғда қолдира билмади.
30. Видаль-Гризманн комбинациясини Месси зарба билан якунлади. Тўп тўғри Куртуа турган жойга борди ва бельгииялик посбонга қийинчилик туғдирмади.
29. Тони Кроос иккинчи бор узоқдан омадини синаб кўришга уринди, аммо зарбаларнинг ҳар иккиси ноаниқ чиқди.
27. Учрашув аввалида майдон марказида ўйнаши кутилган Федерико Вальверде ўнг қанотда пайдо бўлиб, Хорди Альбани ниҳоятда қийнаб қўйяпти. Шундай ҳужумлардан бирида у жамоадоши Бенземани тўп биан таъминламоқчи бўлди. Франциялик футболчи бу сафар тўпга етиб келолмади.
25. Кураш асосан майдон марказида кечмоқда. Дарвозабонларни қийнайдиган зарбалар ҳали йўлланмади.
19. Ўзаро конфликтга борган Карвахал ва Альба учрашувни бошқариб бораётган Маттео Лаос томонидан огоҳлантирилди.
18. Френки де Йонг битта узатма билан Гризманн ва Куртуа дуэлини юзага келтириши мумкин эди, аммо Варан ўз ҳамюртини зарарсизлантирди.
14. Мезбонлар ўйинда ташаббусни қўлга олгандек кўринишмоқда. Учрашувда асосан Марсело ва Винисиус ҳаракатланадиган "Реал"нинг чап қаноти фаоллик кўрсатмоқда.
11. Дастабки сариқ карточка Винисиус Жуниорга кўрсатилди. У катта тезликда олдинга бораётган Нелсон Семедуни қўполлик эвазига тўхтатиб қолгани туфайли жазоланди.
7. Мадридликлар 3-бор бурчак зарбасини ўйинга киритгач, Карим Бензема ўйиндаги ўзининг дастлабки зарбасини йўллади. БУ зарба ҳам унинг аксар зарбалари каби ноаниқлик касб қилди.
4. "Барса" ўз услубига содиқ қолгани ҳолда қисқа узатмалар орқали Куртуа дарвозасига хав солишга уринмоқда.
2. Мезбонлар дастлабки дақиқаларни фаоллик билан бошлади. "Қаймоқранглилар" 1 дақиқа ичида 2 бор бурчак зарбаси йўллаш ҳуқуқини қўлга киритишди.
1. Ниҳоят, ўйинга старт берилди. "Реал" бошлаб берди "Ал Мумтоз"ни.
- Жамоалар стадионга чиқиб келишмоқда. Иккала клуб ҳам бугун ўзларининг анъанавий ранглардаги либосларида ҳаракатланишади.
Роналду яна Мадридда!
Учрашув бошланишига қадар 10 дақиқа қолди.
Ўйинолди машғулот жараёнлари ва стадионга ташриф буюрган мухлислар:
- Ассаломалейкум, сайтимизнинг қадрли кузатувчилари, Ла Лига 26-тури доирасида Мадридда ўтказилаётган "Ал Мумтоз" баҳсини сиз билан биргаликда кузатиб боришга қарор қилдик. Марҳамат, сиз ҳам ўйин ҳақидаги фикр ва мулоҳазаларингизни биз билан ўртоқлашинг.
