Европа чемпионлар лигасининг гуруҳ босқичидаги 26та йўлланмани жамоалар тўғридан-тўғри қўлга киритади.
Гуруҳ босқичига тўғридан-тўғри чиқадиганлар: ЕЧЛ ғолиби, УЕФА Европа лигаси ғолиби, Испания, Англия, Италия ва Германия чемпионатларидаги дастлабки тўртта ўйинни қўлга киритган жамоалар, Франция ва Россия чемпионатидаги ғолиб ва вице-чемпион жамоалар, шунингдек, Португалия, Украина, Бельгия ҳамда Туркия чемпионлари.
ЕЧЛ 2019/20 гуруҳ босқичига чиққан жамоалар онлайн режимда:
Испания: "Барселона", "Атлетико", "Реал", "Хетафе"
Англия: "Ливерпуль", "Манчестер Сити", "Тоттенхэм", "Арсенал"
Италия: "Ювентус", "Наполи", "Интер", "Милан"
Германия: "Боруссия" Дортмунд, "Бавария", "Боруссия" Менхенгладбах, "РБ Лейпциг"
Франция: "ПСЖ", "Лилль"
Россия: "Зенит", "Краснодар"
Португалия: "Порту"
Украина: "Шахтер"
Бельгия: "Генк"
Туркия: "Истанбул Башакшехир"
ЕЧЛ гуруҳ босқичига чемпионлар лигаси ва Европа лигаси ғолиблари ҳам иштирок этишади. Қолган 6 йўлланма квалификация раундида ўйналади.
Қизиқ фактлар:
• ЕЧЛнинг жорий мавсумдаги нимчорак финалида ўйнаётган жамоалар орасидан "Аякс", "Лион", "Манчестер Юнайтед", "Рома" ва "Шальке" ҳозирги онлайн жадвалда келаси мавсумдаги ЕЧЛдан мосуво қолмоқда.
• "Хетафе" мавсум якунига қадар Ла Лигадаги ҳозирги ўрнидан пастламаса, унда жамоа келаси мавсумда ЕЧЛда дебют қилиш имкониятини қўлга киритади. Қайд этиш керакки, "Хетафе" ҳали бирор маротаба ЕЧЛда ўйнамаган ва хаттоки мазкур мусобақанинг саралаш босқичида ҳам иштирок этмаган. "Хетафе" фақатгина Европа лигасида сўнгги бор 2010/11 йилги мавсумда ўйнаш ҳуқуқига эга бўлганди.
• Россия ва Туркия чемпионатида 1-2 ўринларда бораётган "Краснодар" ҳамда "Истанбул Башакшехир" мавсум якунига қадар ҳозирги эгаллаб турган поғоналаридан тушиб кетишмаса, унда келаси мавсумда мазкур жамоалар ЕЧЛда дебют қилишади.
• "Милан" эса А Серияда тўртинчи ўриндан пастга тушмаса, унда жамоа 2013/14 йилги мавсумдан кейин илк бор ЕЧЛ ўйнаш ҳуқуқига эга бўлади.
