Ижтимоий тармоқларга овоз бериш натижалари акс этган сурат тарқалди. Твиттерда тез тарқалаётган ушбу расмга кўра, "Олтин тўп"ни "Бавария" ҳужумчиси Роберт Левандовски қўлга киритади.
22 октябрь куни якунланган овоз беришда иккинчи ўринни Лионель Месси, учинчи ўринни эса Карим Бензема эгаллагани айтилмоқда.
Айтиш жоизки, ўтган йили пандемия сабабли "Олтин тўп"ни топширмасликка қарор қилинган эди. Шу билан бирга, кўплаб мутахассислар ва мухлислар мукофот Роберт Левандовскидан том маънода тортиб олинган деб ҳисоблашади, чунки 2020 йилда у ажойиб ўйин кўрсатди ва "Бавария" қўлга киритиши мумкин бўлган барча совринларнинг соҳиби бўлди.
