«Манчестер Юнайтед» клуби ўзининг Твиттердаги саҳифаси орқали ҳужумчи Алексис Санчеснинг «Интер»га ўтганини эълон қилди.
Чилилик футболчи бир йиллик ижара асосида миланлар сафига қўшилди. Ҳозирча келишувнинг бошқа шартлари ошкор қилинмаяпти. La Gazzetta dello Sport тарқатган хабарга кўра, «Интер» келаси йили футболчини 15 миллион еврога сотиб олиш ҳуқуқига эга бўлади.
Алексис Санчес 2018 йилнинг январь ойидан бери «МЮ» шарафини ҳимоя қилиб келаётган эди. 30 ёшли футболчи манкунианликлар сафида 45та ўйинда майдонга тушиб, 5та гол уриб, 9та голга узатма берди.
