«Интер» ҳужумчиси Лаутаро Мартинес «Барселона»нинг энг асосий трансфер мақсадига айланди.
AS нашри тарқатган хабарга кўра, "кўк-анорранглилар" скаутлари бир неча ўйиндан бери аргентиналик футболчини кузатиб келишмоқда.
Шунингдек, «Барса» вакиллари Мартинеснинг агентлари билан алоқага чиқиб, жамоанинг футболчига қизиқиши борлигини маълум қилишди.
Мартинес 2018 йилдан бери «Интер» шарафини ҳимоя қилиб келмоқда. 22 ёшли футболчи "нерадзурри" сафида 46та ўйинда майдонга тушиб, 15та гол урди ва 3та голга узатма берди. Унинг трансфер нархи 40 миллион еврога баҳоланмоқда. Аммо каталонияликлар бундан анча кўпроқ тўлашларига тўғри келади.
