“Челси” ҳужумчиси Оливье Жиру фаолиятини Франция чемпионатида давом эттириши мумкин.
Goal.com нашрининг хабарига кўра, футболчи учун курашга "Бордо” клуби ҳам қўшилди. Франция клуби футболчининг нархини туширишига ишонмоқда.
Эслатиб ўтамиз, аввалроқ 33 ёшли футболчига “Интер” қизиқаётганлиги тўғрисида хабар берган эдик. Унинг “Челси” билан амалдаги шартномаси мавсум сўнггида якунига етади.
