Туркиянинг "Галатасарай" клуби ҳужумчиси Радамель Фалькао ёзги трансфер бозорида жамоани тарк этиши мумкин дея хабар бермоқда Marca нашри.
Манбанинг ёзишича, Фалькаога Қатарнинг "Ал-Садд" ва Саудия Арабистонининг "Ал-Хилол" клублари қизиқиш билдиришмоқда.
"Галатасарай" аслида Фалькаони 7 миллион еврога сотишга рози эди, бироқ, Яқин Шарқ клубларидан таклиф тушаётганлиги сабабли, унинг трансферидан кўпроқ маблағ ишлаб олмоқчи.
"Ал-Садд" 10 миллион евро таклиф қилмоқда. "Ал-Хилол" ҳам таклиф юборди, лекин уларнинг шартнома деталлари ошкор қилинмади.
Эслатиб ўтамиз, Радамель Фалькао "Галатасарай" клубига 2019 йилнинг ёзида "Монако" клубидан эркин агент сифатида ўтганди.
