«Тоттенхэм» ҳужумчиси Харри Кейн ёзги трансфер пайтида «Манчестер Юнайтед»га ўтмайди. "Sky Sports" тарқатган хабарга кўра, "шпорлар" 26 ёшли футболчи Англия премьер-лигасидаги асосий рақибларига сотмоқчи эмас.
Аввалроқ лондонликлар қарзларни ёпиш мақсадида Кейнни 200 млн фунтга сотиши мумкинлиги ҳақида хабар тарқалган эди. Футболчининг ўзи «Тоттенхэм»ни тарк этиши мумкинлигини истисно қилмади. У кучлироқ жамоа сафига ўтиш орқали соврин ютишни истамоқда.
Агар Кейн 200 млн фунт (225 млн евро)га сотилса, бу футбол тарихидаги рекорд трансферга айланади.
