Ярим ҳимоячи Наитан Нандеснинг агенти Пабло Бентакур мижозининг Италия жамоасидаги келажаги ҳақида гапирди.
Агентнинг таъкидлашича, Россия, Италия клублари, шунингдек, Бразилиянинг "Интернасьонал" клубларидан таклифлар тушган.
"Бундан ташқари, футболчига Англия Премьер-лигаси клуби мураббийларидан бири қизиқмоқда. Биз июнь ойида содир бўлиши мумкин бўлган трансфер ҳақида гапиряпмиз", - дея Бентакур сўзларини келтиради Ovasion.
28 ёшли уругвайлик футболчининг "Кальяри" билан шартномаси жорий мавсум охиригача амал қилади. Transfermarkt портали уни беш миллион еврога баҳоламоқда.
