"Barselona"ning 17 yoshli iste’dodli yarim himoyachisiga Yevropaning grand klublari qiziqish bildirmoqda.
TBR Football nashri manbalarining ma’lum qilishicha, "Arsenal", "Chelsi", "Manchester Siti", "Tottenxem" va "Pari Sen-Jermen" klublari vakillari Dro Fernandesning o‘sishini diqqat bilan kuzatib bormoqda va uni kelasi yozda o‘z safiga qo‘shib olishga harakat qilmoqda, biroq futbolchi xorijdan bo‘layotgan takliflarga qaramay, "Barsa"da qolishga intilmoqda.
Kuni kecha La Liganing 7-turidan o‘rin olgan "Real Sosyedad"ga (2:1) qarshi o‘yinda Dro kattalar jamoasida debyut qildi. Uning "Barselona" bilan amaldagi shartnomasi 2027 yilning iyun oyi oxirigacha amal qiladi va klub rahbariyati uni uzaytirish ustida ishlamoqda.
